दाङमा जिप दुर्घटनाः ३ को मृत्यु, १३ जना गम्भिर घाइते

 पोखरा मंसिर २७, दाङको राप्ती राजमार्ग अन्तर्गत तुलसीपुर–३ सिरखोलामा सोमबार जिप दुर्घटना हुँदा तीन जनाको मृत्यु भएको छ । १३ जना गम्भिर घाइते भएका छन् ।

मृत्यु हुनेमा सल्यानको कपुरकोट गाउँपालिकाका ४८ वर्षीय प्रेमप्रकाश शर्मा, ४६ वर्षीया साउनी घर्ती र सोही ठाउँकै २५ वर्षीया लालमति खड्का रहेका छन् ।

हिजो साँझ तुलसीपुरबाट सल्यान कपुरकोट जाँदै गरेको रा १ ज ४३८ नम्बरको जिप दुर्घटना भएको हो । गियर फसेका कारण जीप दुर्घटनामा परेको प्रारम्भिक अनुमान गरिएको छ ।

जिप सडकबाट करिब २ सय मिटर तल खसेको प्रहरीले जनाएको छ । जिपमा १८ जना यात्रु सवार रहेका थिए ।