३४१ जनामा कोरोना संक्रमण पुष्टि, ३ जनाको मृत्यु

काठमाडौं । पछिल्लो २४ घण्टामा नेपालमा ३४१ जना नयाँ संक्रमित थपिएका छन् । स्वास्थ्य तथा जनसंख्या मन्त्रालयका अनुसार विगत २४ घण्टामा आरटी पीसीआर परिक्षण गर्दा ३१३ जना र एन्टिजन परिक्षण गर्दा २८ जना गरि जम्मा ३४१ जना नयाँ संक्रमित थपिएका हुन् ।

त्यस्तै, पछिल्लो २४ घण्टामा ३७६ जना कोरोनामुक्त भएका छन् । योसंगै नेपालभर हालसम्म कोरोना संक्रमित निको हुनेदर ९८ प्रतिशत रहेको छ । पछिल्लो २४ घण्टामा मृतकको संख्या ३ रहेको छ । यस्तै हालसम्म कोरोनाबाट मृत्यु हुनेको संख्या ११ हजार पाँच सय ५७ रहेको छ ।

पछिल्लो २४ घण्टामा १३ हजार २३६ जनाको कोरोना परिक्षण गरेका थिए भने एक लाख ८७ हजार ६६४ जनाले खोप लगाएका थिए । हाल सक्रिय संक्रमितको संख्या ५ हजार ८२४ रहेको छ ।