चिट चोर्न नदिएपछि रत्नराज्यलक्ष्मी क्याम्पसका शिक्षक कुटिए, पठनपाठन बन्द

काठमाडौं । क्याम्पसको आन्तरिक परीक्षामा चिट चोर्न नदिएपछि रत्नराज्यलक्ष्मी  (आरआर) क्याम्पसका शिक्षक कुटिएका छन् ।

विद्यार्थी कुवेर जेठाराले शिक्षकलाई कुटपिट गरेको बताईएको छ । कुटपिटबाट क्याम्पसका शिक्षक प्रकाश पुडासैनी घाइते भएका छन् । उनको मोडल अस्पतालमा उपचार भइरहेको छ । घटनापछि स्नातक तह प्रथम वर्षमा बीएसडल्बुको आजको परीक्षा स्थगित भएको छ ।

विद्यार्थीेले शिक्षक कुटेको विरोधमा रत्न राज्य लक्ष्मी क्याम्पसका शिक्षकहरुले पठनपाठन बन्द गरेका छन् । क्याम्पस प्राध्यापक संघ, प्रजातन्त्रबादी प्राध्यापक संघ र नेपाल प्रगतीशिल प्राध्यापक संघले शिक्षकहरुलाई असुरक्षा भएको भन्दै विज्ञप्ति जारी गरी पठनपाठन बन्द गर्ने निर्णय गरेका हुन् ।