उद्योगपति विनोद चौधरी कांग्रेस केन्द्रीय सदस्यमा निर्वाचित

काठमाडौं । उद्योगपति विनोद चौधरी कांग्रेसको केन्द्रीय सदस्यमा निर्वाचित भएका छन् ।

कांग्रेसको मधेसी आरक्षण कोटामा उनी विजयी भएका हुन् । सो कोटामा चौधरीसहित ५ जना निर्वाचित भएका छन् ।

आज मंगलबार सकिएको मतगणना अनुसार अजय चौरासियाले २ हजार ५२२ मत, विनोद चौधरीले २ हजार २०६ मत, चन्द्रमोहन यादवले २ हजार १३८, महेन्द्रकुमार रायले १ हजार ९८४ र दिनेश यादवले १ हजार ९५९ मत प्राप्त गरी विजयी बनेका हुन् ।