हिमालयन उर्जा विकास कम्पनीकाे प्राथमिक शेयर निष्कासन

काठमाडौं– हिमालयन उर्जा विकास कम्पनीले बुधबार देखी सर्वसाधारणको लागि प्राथमिक शेयर निष्कासन गरेको छ।

कम्पनीले सर्वसधारणको लागि १४ लाख ८५ हजार कित्ता निष्कासन गरेको हो ।

कम्पनीले सर्वसधारणको लागि निष्कासन गरेको मध्ये तीन प्रतिशत कम्पनीका कर्मचारीहरुको लागि र ५ प्रतिशत सामुहिक लगानीकोषका लागि छुट्याएको छ। बाँकी १३ लाख ६६ हजार २ सय कित्ता सर्वसाधारणहरुको लागि बिक्री खुला गरेको हो।

कम्पनीले पहिलो चरणमा चैत्र २५ गतेसम्म र पहिलो चरणमा बिक्री नभएमा ढिलोमा बैशाख १९ गतेसम्म सार्वजनिक निष्कासन गर्ने जनाइएको छ ।

प्राथमिक शेयरमा आवदेनका लागि नेपाल धितोपत्र बोर्डबाट आस्वा सुविधा प्रदान गर्न अनुमति पाएका सम्पुर्ण बैंक तथा वित्तीय संस्थाहरु र मेरो शेयरमा खाता खोलेकाले अनलाइनबाटै आवदेन दिन सक्ने छन्।

कम्पनीले निर्माण गरेको आयोजनाको प्रतिमेगावाट लागत १६ करोड ५५ लाख रुपैयाँ लाग्ने अनुमान गरिएको छ।
।