आइफोन ११ का तीन मोडेल सेप्टेम्बरमा आउँदै

काठमाडौं– एप्पलले आगामी सेप्टेम्बरमा आइफोन ११ का तीन मोडेल बजारमा ल्याउने भएको छ।

हाल बजारमा चलिरहेको आइफोनको मोडेलहरूमा आइफोनको म्याक्स भर्सन छन्। म्याक्सपछिको नयाँ भर्सनमा एप्पलले म्याक्स र प्रो भर्सनमा आइफोन ल्याउने भएको अन्तराष्ट्रिय सञ्चारमाध्यमले जनाएका छन् ।

आइफोनको नयाँ संस्करण कस्तो हुनेछ भन्ने अनुमान चलिरहँदा आइफोनको मोडेल र रङबारे नयाँ जानकारी लिक भएको छ।

सार्वजनिक सूचनाअनुसार एप्पलका नयाँ स्मार्टफोनहरू आइफोन ११, आइफोन ११ प्रो र आइफोन ११ प्रो म्याक्स हुनेछन्। आइफोन ११ स्क्रिन साइज ६.१ इन्च, ११ प्रोको स्क्रिन साइज ५.८ हुनेछ भने सबैभन्दा महँगो ठूलो साइजको आइफोनको नाम आइफोन ११ प्रो म्याक्स हुनेछ, जसमा ६.५ इन्चको स्क्रिन राखिनेछ।