डेबिट वा क्रेडिट कार्डमार्फत हुने भुक्तानीमा अतिरिक्त शुल्क लिन नपाइने

काठमाडौं– नेपाल राष्ट्र बैंकले आईतबार परिपत्र जारी गर्दै ‘प्वाइन्ट अफ सेल’ मार्फत् हुने भुक्तानीमा कुनैपनि प्रकारको शुल्क लिन नपाउने व्यवस्था गरेको छ ।

मौद्रिक नीतिमार्फत् राष्ट्र बैंकले लिएको सो नीति राष्ट्र बैंकको परिपत्रसँगै औपचारिक रुपमा कार्यान्वयनमा आएको हो ।

यो व्यवस्थाले रेष्टुरेन्ट, टिकट काउन्टर लगायत स्थानहरुबाट वस्तु तथा सेवा खरिद गर्ने ग्राहकहरुलाई थप राहत हुने भएको छ ।

यस्तो भुक्तानीमा हालसम्म कहीँ अतिरिक्त शुल्क आएका थिए भने केही बैंकहरुले त्यस्तो सेवा निशुल्क गर्दै आएका थिए । अब भने यो पूर्णतः निशुल्क भएको छ ।