लागूऔषध र बन्यजन्तुको आखेटोपहार सहित काठमाडौंबाट कारोबारी पक्राउ

काठमाडौँ । काठमाडौँको तारकेश्वर नगरपालिका–१० स्थित लोकतान्त्रिक चोकबाट प्रहरीले लागूऔषध र बन्यजन्तुको आखेटोपहार कारोबार गर्ने एक जनालाई पक्राउ गरेको छ । पक्राउ पर्नेमा धादिङको खनियावास–१ घर भएका सुक बहादुर तामाङ छन् । 

भदौ ८ मा पक्राउ गरिएका तामाङको साथबाट लागूऔषध एम्फेटामाइन ७९ ग्राम, ४ किलो ९४ ग्राम चरेस र आखेटोपहार बरामद गरिएको लागूऔषध नियन्त्रण ब्युरोका एसपी योगेन्द्र खड्काले रातोपाटीलाई बताए । 

काठमाडौँमा रहेको आरोपीको डेराबाट लाग औषध नियन्त्रण ब्युरोको टोलीले १ हजार दरको १ थान नक्कली रुपैयाँ, २३६ थान नक्कली अमेरिकी डलर, ११ वटा सालकको खपटा, ६ वटा जंगली जनावरको दाँत, पंक्षीको खुट्टा ३ वटा र विभिन्न जनावरका हड्डीहरू बरामद गरेको छ । 

उनको साथबाट प्रहरीले भुटान, म्यानमारसहित ९ देशका मुद्रा बरामद गरेको छ । थाइल्याण्डबाट ल्याएको एम्फेटामाइन १० हजारमा बेच्न खोज्दा पक्राउ परेका सुक बहादुर २०७४ माघमा खैरो हेरोइन सहित पाकिस्तानमा पक्राउ परेर छुटेका थिए ।