‘टीएफपी अवार्ड २०१९’ हिमालयन बैंकलाई

काठमाडौं, भदौ २५।  एशियाली विकास बैंक (एडीबी)ले हिमालयन बैंक लिमिटेडलाई ट्रेड फाईनान्स कार्यक्रम अन्तर्गत उच्चतम कारोबार गरे बापत ‘टीएफपी अवार्ड २०१९–लिडिङ पार्टनर बैंक इन नेपाल’ प्रदान गरेको छ ।

एशियाली विकास बैंकद्वारा हिमालयन बैंकलाई बैंकले एशिया प्रशान्त क्षेत्रमा ट्रेड फाईनान्सलाई प्रवर्धन गर्न खेलेको प्रभावकारी भूमिकाको लागि उक्त अवार्ड प्रदान गरेको हो ।

यही सेप्टेम्बर ३ मा सिंगापुरमा आयोजित एडीबी ट्रेड फाईनान्स प्रोग्राम अवार्ड समारोहमा बैंकका महाप्रबन्धक सुशिल जोशी र मुख्य प्रबन्धक सतीश राज जोशीले उक्त अवार्ड ग्रहण गरेका छन् ।

बैंकले यस पटक समेत तेश्रो पटक यो अवार्ड प्राप्त गरेको हो ।