सुनको मूल्य घट्ने क्रम जारी, यस्तो छ आजको कारोबार

काठमाडौं, भदौ २६ । साताको पाचौँ दिन आज बिहीबार सुनको मूल्य घटेकोे छ । नेपाल सुनचाँदी महासंघका अनुसार बुधबार प्रतितोला ७१ हजार रुपैयाँमा कारोबार भएको छापवाला सुनको मूल्य आज २०० रुपैयाँले घटेर ७० हजार ८०० रुपैयाँमा कारोबार भएको छ ।

त्यसैगरी आज तेजाबी सुनको मूल्य ७० हजार ५०० रुपैयाँमा कारोबार भएको छ । महासंघले आज प्रति १० ग्राम छापवाला सुनको मूल्य ६० हजार ७०० रुपैयाँ कायम गरेको छ भने प्रति १० ग्राम तेजाबी सुनको मूल्य ६० हजार ४४५ रुपैयाँ कायम गरेको छ ।

त्यस्तै आज चाँदीको मूल्य पनि ५ रुपैयाँले घटेर प्रतितोला ८७५ रुपैयाँमा कारोबार भएको छ । महासंघले आज प्रति १० ग्राम चाँदीको मूल्य ७५० रुपैयाँ कायम गरेको छ ।