उदयपुरमा एकै परिवारका तीन जनाको हत्या

 काठमाडौँ । उदयपुरमा एकै परिवारका तीन जनाको हत्या भएको छ ।

 बेलका नगरपालिका-७ उदयपुरका राजकुमार बस्नेत सहित उनकी श्रीमती र छोराको हत्या भएको प्रहरीले जनाएको छ । 

हत्या गरेको आशङ्कामा प्रहरीले एक जनालाई पक्राउ गरेको छ । पक्राउ पर्नेमा नरबहादुर बस्नेत रहेका छन् । 

घटनास्थल उदयपुरको विकट ठाउँमा रहेको र उनीहरूको शव टुक्रा–टुक्रा पारिएको अवस्थामा फेला पारिएको प्रहरीको भनाइ छ ।

प्रारम्भिक अनुसन्धानका क्रममा सबैलाई खुकुरी प्रहार गरेको हुनसक्ने प्रहरीको भनाइ छ ।