गत हप्तादेखि सुनको मूल्य ओरालो लाग्दै, कतिमा हुँदैछ कारोबार

काठमाडौं, भदौ २९ । गत हप्तादेखि लगातार ओरालो लाग्दै गएको सुनको मूल्य साताको पहिलो दिन आज आइतबार पनि घटेकोे छ ।

नेपाल सुनचाँदी महासंघका अनुसार शुक्रबार प्रतितोला ७० हजार ६०० रुपैयाँमा कारोबार भएको छापावाला सुनको मूल्य आज ४०० रुपैयाँले घटेर प्रतितोला ७० हजार २०० रुपैयाँमा कारोबार भएको छ ।

त्यसैगरी आज तेजाबी सुनको मूल्य ६९ हजार ९०० रुपैयाँमा कारोबार भएको छ । महासंघले आज प्रति १० ग्राम छापवाला सुनको मूल्य ६० हजार १८५ रुपैयाँ कायम गरेको छ भने प्रति १० ग्राम तेजाबी सुनको मूल्य ५९ हजार ९३० रुपैयाँ कायम गरेको छ ।

त्यस्तै आज चाँदीको मूल्य पनि ३० रुपैयाँले घटेर प्रतितोला ८४० रुपैयाँमा कारोबार भएको छ । महासंघले आज प्रति १० ग्राम चाँदीको मूल्य ७२० रुपैयाँ कायम गरेको छ ।