नेपाल आउने पर्यटकलाई होटलमा ३० प्रतिशत छुट

काठमाडौं,कार्तिक १४ – सन् २०२० मा आउने पर्यटकका लागि होटल संघ नेपालले विशेष छुटको व्यवस्था गरेको छ । संघले देशभर रहेको तीन सय होटल, लज, रिसोर्टहरुमा ३० प्रतिशत छुटको व्यवस्था गरेको छ ।

संघद्धारा जारी गरिएको प्रेस विज्ञप्तीमा खानामा १५ प्रतिशत छुटको व्यवस्था गरिएको जनाइएको छ । होटल संघ नेपालले संस्कृति, पर्यटन तथा नागरिक उड्डयन मन्त्रालय तथा नेपाल भ्रमण वर्ष २०२० सचिबालयलाई समेत यस विषयमा जानकारी दिएको छ ।