यात्रुबाहक बस सुनकोशीमा खस्यो: ६ को मृत्यु,२० जनाको उद्धार

काठमाडौं,कार्तिक १७- सिन्धुपाल्चोकको सुकुटेमा आइतबार बस दुर्घटना हुँदा ६ जनाको ज्यान गएको छ भने २० जनाको उद्धार गरी एम्बुलुन्समार्फत अस्पताल पठाइएको छ ।

दोलखाको मागादेउरालीबाट काठमाडौं आउँदै गरेको शैलुंगेश्वरी यातायातको बा २ ख ७२४५ नम्बरको बस सिन्धुपाल्चोकको सुकुटेमा दुर्घटना भएको सिन्धुपाल्चोकका डीएसपी माधव काफ्लेले जानकारी दिए ।

जिल्ला प्रहरी कार्यालय सिन्धुपाल्चोकका अनुसार बसमा ३० देखि ४० जना यात्रु रहेका थिए । बस सडकबाट करिब सय मिटर तल खसेको छ ।