दिगो विकास लक्ष्य हासिल गर्न नेपाल प्रतिबद्ध, विश्व बैंकसँगको सहकार्यले विकासमा महत्वपूर्ण भूमिका निर्वाह गर्ने विश्वास

काठमाडौं– अर्थमन्त्री डा युवराज खतिवडाले नेपालले दिगो विकास लक्ष्य हासिल गर्न नेपाल प्रतिबद्ध रहेको बताएका छन्

विश्व बैंकका कार्यकारी निर्देशकको संयुक्त बैठकलाई मङ्गलबार सम्बोधन गर्दै अर्थमन्त्री खतिवडाले स्थानीय निकायको क्षमता, नेपालको विकासको मार्गचित्र, प्राथमिकता, सुधारको निरन्तरता, राजश्वको दिगोपना र समग्र व्यावसायिक वातावरण सम्बन्धमा जानकारी गराएका हुन् ।

सन् २०२२ मा अति कम विकसित राष्ट्रबाट स्तरोन्नति गर्न विभिन्न क्षेत्रमा थप सहयोगको आवश्यकता रहेको बताएका छन् ।

विश्व बैंकसँग आगामी पाँच वर्षे लगानीको ढाँचा पारित गर्न अनुरोध गर्दै अर्थमन्त्री डा खतिवडाले विश्व बैंकसँगको सहकार्यले नेपालको आर्थिक–सामाजिक विकासमा महत्वपूर्ण भूमिका निर्वाह गर्ने विश्वास व्यक्त गरेका छन् ।