नबिल बैंक र नेपाल हस्तकला महासंघबिच सम्झौता

काठमाडौं, मंसिर १८ – १७ औँ हस्तकला व्यापार मेला तथा १५ औँ हस्तकला प्रतियोगिता को अवसरमा नबिल बैंक र नेपाल हस्तकला महासंघ बिच सम्झौता भएको छ ।

नबिल बैंकको प्रमुख कार्यकारी अधिकृत अनिल केशरी शाह र नेपाल हस्तकला महासंघका अध्यक्ष सुरेन्द्र भाई शाक्य बिच सम्झौता भएको हो । यस सम्झौता संगै नबिल बैंकले देशको हस्तकला क्षेत्रको प्रबर्धन र संरक्षणको लागि सदा सहयोग गर्ने प्रतिबद्धता लिएको छ।

सो समारोहमा बैंकका प्रमुख कार्यकारी अधिकृत अनिल केशरी शाहले भने “ हस्तकला क्षेत्रको संरक्षण र उन्नतीको लागी नबिल बैंक सधैं भरीतत्पर रहनेछ । हस्तकला क्षेत्रको उत्थानका लागी नेपाल हस्तकला महासंघ संग सहकार्य गर्न पाउंदा हामी निकै खुशी छौं । यो सहकार्यले हस्तकला क्षेत्रमा आबद्ध भएका व्यक्तिगत तथा व्यवसायहरुलाई लाभ हुने विश्वाश हामीले लिएका छौं ।

नेपाल हस्तकला महासंघका अध्यक्ष सुरेन्द्र भाई शाक्यले भने, “नेपाल हस्तकला महासंघले नबिल बैंकलाईहस्तकला मैत्री बैंक २०७५/७६ घोषणा गर्न पाउंदा हामीलाई निकै खुशी लागेको छ । निजी क्षेत्रको तर्फबाट यस्तो सहकार्य गर्न आरम्भ भएकोमा हामी हर्षोशाहित भएका छौं ।

नबिल बैंकले ९२ वटा शाखाहरु, १४२ वटा एटिएमहरुको विशाल संरचना र १,५०० भन्दा बढी नबिल रेमिट एजेन्टहरुका साथमा देशव्यापी रुपमा र विश्वभर धेरै एजेन्टहरु मार्फत् सेवा प्रदान गरेर आफ्नासबै स्टेकहोल्डरहरु संगै अघि बढ्ने विश्वास राखेको छ ।