गृहद्धारा दुई डीआईजीको सरुवा

काठमाडौं, पुस २ – प्रहरी प्रवक्ता तथा डीआईजी विश्वराज पोखरेलको महानगरीय प्रहरी आयुक्तको कार्यालय रानीपोखरीमा सरुवा भएको छ ।

प्रहरी नायब महानिरीक्षक (डीआईजी) शैलेश थापा क्षेत्रीको कार्यकाल पूरा भएपछि उनको ठाउँमा प्रहरी प्रवक्ता विश्वराज पोखरेललाई खटाइएको हो । डीआईजी शैलेश थापा क्षेत्रीको प्रहरी प्रधान कार्यालयमा सरुवा भएको छ ।

केन्द्रीय अनुसन्धान ब्युरो (सीआईबी) र केही प्रदेश प्रहरी प्रमुखको सरुवा गर्ने तयारी गरिएको थियो । तर, गृहले दुई जना डीआईजीको मात्र सरुवा गरेको छ ।