वैदेशिक रोजगारीमा बढ्दो ठगी: कतार पुलिसमा रोजगारी लगाइदिने भन्दै ६९ लाख ठग्ने पक्राउ

काठमाडौं । कतार पुलिसमा रोजगारी लगाइदिने भन्दै भन्दै ठग्ने व्यक्तिलाई प्रहरीले पक्राउ गरेको छ ।

कतार पुलिसमा रोजगारीको लागि पठाइदिन्छु भन्दै रकम ठगी गर्ने ताप्लेजुङ आठराई त्रिवेणी गाउँपालिका–४ घर भई काठमाडौं महानगरपालिका–१० थापागाउँ बस्ने ४९ वर्षीय रूद्र बहादुर लिम्बुलाई प्रहरीले पक्राउ गरेको छ ।

लिम्बु समेतले १९ जनालाई वैदेशिक रोजगारीको लागि कतारमा पठाई कतार पुलिसमा १ लाख रुपैयाँ भन्दा बढी तलवमा काम लगाइदिन्छु भन्दै प्रलोभनमा पारी पीडितहरूबाट पटकपटक गरी ६९ लाख रुपैयाँ ठगी गरेको प्रहरीले जनाएको छ ।

ठगीमा संलग्नलाई काठमाडौं उपत्यका अपराध अनुसन्धान कार्यालय मिनभवनको प्रहरीले काठमाडौं धुम्बराहीबाट पक्राउ गरेको जनाएको हो । प्रहरीका अनुसार थप अनुसन्धान तथा कारवाहीको लागि वैदेशिक रोजगार विभाग बुद्धनगर पठाइएको छ ।