औद्योगिकरण बिना दिगो आर्थिक विकास हुदैन : मन्त्री रिजाल

काठमाडाै. । उद्योग, वाणिज्य तथा आपूर्ति मन्त्री रमेश रिजालले आत्मनिर्भर अर्थतन्त्रका लागि औद्योगिक पूर्वाधार प्रति सरकार प्रतिबद्ध रहेको बताएका छन् ।

मंगलबार मेक इन नेपाल स्वदेशी सम्मेलनको उद्घाटन गर्दै मन्त्री रिजालले लगानी मैत्री औद्योगिक वातावरणको निर्माण, आत्मनिर्भर अर्थतन्त्रका लागि औद्योगिक पूर्वाधार र समृद्धिका लागि प्राकृतिक श्रोतको सदुपयोगको लागि आवश्यक वातावरण बनाउनका लागि सरकार प्रतिबद्ध रहेको बताए।

आत्मनिर्भर अर्थतन्त्र निर्माणका लागि सरकार र निजी क्षेत्रबीच समन्वय एवम् सहकार्य थप प्रभावकारी रूपमा हुन आवश्यक रहेको बताउदै मन्त्री रिजालले औद्योगिकरणको उचित विकास बिना दिगो आर्थिक वृद्धि तथा समृद्धि सम्भव नरहने बताए ।

औद्योगिकरणको विकास तथा प्रवर्द्धनका लागि नीतिगत सुधार, आवश्यक वातावरण निर्माण प्रतिस्पर्धात्मक क्षमताको विकास, दक्षता अभिवृद्धि र स्वदेशी वस्तुहरूको उत्पादन उपभोग र निर्यात प्रवर्द्धनको वातावरण निर्माण लगायतका क्षेत्रमा मन्त्रालयले प्रभावकारी भूमिका निभाउने उनकाे विश्वास थियाे ।

स्वदेशी वस्तुको उत्पादन, प्रवर्द्धन एवम् निर्यात बढाउन गरिनुपर्ने नीतिगत तथा व्यावहारिक पक्षका सम्बन्धमा सम्मेलनबाट आउने सुझावहरू तथा प्रतिक्रियालाई सरकारले गम्भिरतापूर्वक लिने उनले दिए ।

मन्त्री रिजालले औद्योगिकरणको विकास तथा प्रवर्द्धनका लागि नीतिगत सुधार, आवश्यक वातावरण निर्माण प्रतिष्प्रधात्मक क्षमताको विकास, दक्षता अभिवृद्धि र स्वदेशी वस्तुहरूको उत्पादन उपभोग र निर्यात प्रवर्द्धनको वातावरण निर्माण लगायतका क्षेत्रमा मन्त्रालयले प्रभावकारी भूमिका निभाउने भन्दै बिश्वास दिलाए ।

परिसंघसँग घनिष्ट तथा थप प्रभावकारी सहकार्य भइरहेको भन्दै मन्त्री रिजालले भविष्यमा पनि निरन्तर सहकार्य हुने बताए ।

निजी क्षेत्रको उचित मागको सम्वोधन गरी यस क्षेत्रमा विद्यमान समस्या समाधान गर्न तथा आवश्यक सहकार्य तथा समन्वय गर्न नेपाल सरकार पूर्ण प्रतिबद्ध रहेको बताउदै मन्त्री रिजालले मन्त्रालयले उद्योगीहरूको अभिभावकको रूपमा काम गरेकाे दावी गरे ।