६ वटा गाडीलाई ठक्कर दिएको ट्याङ्कर घरमा जोतियो

काठमाडों,पुस १५- काठमाडौंको सोह्रखुट्टेमा पानी बोक्ने ट्याङ्करले ६ वटा गाडीलाई ठक्कर दिएको छ ।

बा ३ ख ९४५० नम्बरको पानीले भरिएको ट्याङ्करको सोह्रखुट्टे ओरालोमा ब्रेक नलागेपछि अगाडिका गाडीलाई ठक्कर दिँदै एउटा घरमा पुगेर जोतिएको थियो । ट्याङ्करको ठक्करबाट छ वटा गाडीमा क्षति पुगेको छ ।

ठक्करबाट चार वटा कार, एउटा बस र एउटा मोटरसाइकलमा क्षति पुगेको छ । अनियन्त्रित ट्याङ्कर वीरबहादुर तामाङ र विषयजंग गुरूङको घरमा ठोक्किएर रोकिएको थियो । घरमा पनि सामान्य क्षति भएको छ ।

दुर्घटनामा मोटरसाइकल चालकलाई सामान्य चोट लागेको महानगरीय प्रहरी वृत्त सोह्रखुट्टेले जनाएको छ ।