प्रधानमन्त्री प्रचण्ड र भारतीय समकक्षी मोदीबीच आज भेटवार्ता, अरु के हुँदैछ ?

काठमाडौं । चार दिने भारत भ्रमणमा रहेका प्रधानमन्त्री पुष्पकमल दाहाल ‘प्रचण्ड’ र भारतीय समकक्षी नरेन्द्र मोदीबीच आज भेटवार्ता हुने भएको छ ।

मोदीसँग हैदरावाद हाउसमा भेटवार्ता हुनेछ । भेटपछि विभिन्न सम्झौता पत्रमा हस्ताक्षर, परियोजनाको उद्घाटन र संयुक्त पत्रकार सम्मेलन आयोजना गर्ने कार्यक्रम रहेको छ ।

प्रधानमन्त्री प्रचण्ड बिहान साढे दश बजे महात्मागान्धीको समाधि स्थल राजघाट जाने कार्यक्रम रहेको सचिवालयले जनाएको छ । प्रधानमन्त्रीले आज भारतका उपराष्ट्रपति जगदीप धनखड र भारतीय राष्ट्रपति द्रौपदी मुर्मूसँग भेट गर्ने कार्यक्रम रहेको छ ।

प्रचण्डले आजै साँझ होटल मौर्यमा नेपाल र भारतका उद्योगी, व्यवसायीलाई सम्बोधन गर्ने कार्यक्रम रहेको छ । यता शुक्रबार भने प्रधानमन्त्री मध्यप्रदेश जानेछन् ।