उद्योग वाणिज्य संघ काठमाडौंको करसम्बन्धी अन्तरक्रिया

काठमाडौं । नेपाल उद्योग वाणिज्य संघ काठमाडौंको आयोजनमा आर्थिक विधेयक २०८०/८१ मा रहेका कर सम्बन्धि परिवर्तित व्यवस्था र त्यसले पारेको प्रभाव तथा समस्या सम्बन्धी छलफल एवं अन्तरक्रिया कार्यक्रम मंगलबार सम्पन्न भएको छ ।

संघसंग आवद्ध उद्योगी व्यवसायी , विभित्न्न जिल्ला नगर संघ तथा वस्तुगत संघको बाक्लो उपस्थितिबीच वरिष्ठ चार्टर्ड एकाउन्टेन्ट शेषमणि दाहालले कर सम्बन्धी प्रस्तुति दिएका थिए । कार्यक्रममा संघका अध्यक्ष दिनेश श्रेष्ठले निजी क्षेत्रलाई करका कारण परेका समस्याबारे जानकारी गराएका थिए ।

कार्यक्रमको पहिलो सत्रमा नेपाल उद्योग वाणिज्य संघ काठमाडौं र नेपाल फ्रेट फरवार्डस संघ बीच नेपालमा निर्मित वस्तुहरुको निर्यात गर्दा जारी गरिने उत्पतिको प्रमाणपत्र उद्योग वाणिज्य सघबाट जारी गराउनेबारे सम्झौता समेत गरिएको थियो ।