शेयर बजारमा झिनो अंकको गिरावट

काठमाडौं । नेपाल स्टक एक्सचेञ्ज (नेप्से) आज सोमबार झिनो अंकले घटेको छ । आज नेप्से ० दशमलव ८० अंकले घटेर दुई हजार ९६ दशमलव ९६ विन्दुमा पुगेको छ । आइतबार नेप्से २८दशमलव ३८ अंकले बढेर दुई हजार ७७ दशमलब ७६ विन्दुमा भएको थियो ।

नेप्से बढेपनि कारोबार रकममा भने सुधार देखिएको छ । आज तीन अर्ब ७९करोड ७९ लाख बराबरको कारोबार भएको छ । आइतबार नेप्सेमा तीन अर्ब ४ करोड २५ लाख बराबरको कारोबार भएको थियो ।

बजारमा कारोबार भएका १०१ कम्पनीको शेयरमूल्य बढेको छ भने १२२ कम्पनीकोे शेयरमूल्य घटेको छ । ११ वटा कम्पनीको शेयरमूल्य स्थिर रहेको छ । आज एक कम्पनीको शेयरमूल्यमा उच्च वृद्धि भएको छ । रावा इनर्जी डेभलपमेन्टको शेयरमूल्य ९ दशमलव ९८ प्रतिशतले बढेर प्रतिकित्ता ३६४ दशमलव ८० रुपैयाँ पुगेको छ ।

आज सबैभन्दा बढी हिमालयन हाइड्रोपावर र सिटि होटल्सका लगानीकर्ताले सर्वाधिक गुमाएका छन् । यसको शेयरमूल्य आज ६ प्रतिशत भन्दाबढिले घटेको छ । नेप्सेका अनुसार कारोबारको आधारमा आज सबैभन्दा बढी सोल्टी होटल्सको भएको छ । यस कम्पनीको आज ३१ करोड १२ लाख रुपैयाँ भन्दा बढीको कारोबार भएको छ ।