वैवाहिक बन्धनमा बाँधिइन् गोलकिपर अन्जना

काठमाडौं । राष्ट्रिय फुटबल टोलीकी गोलकिपर अन्जना राना मगर वैवाहिक बन्धनमा बाँधिएकी छिन् ।

सोमबार भक्तपुर निवासी अविरल लामासँग अन्जनाको विवाह भएको हो । उनीहरू प्रेम सम्बन्धमा थिए ।

उमेर समूहको टोलीको कप्तानी गरिसकेकी अन्जना १४ वर्षको उमेरदेखि सिनियर टोलीको नियमित सदस्य रहँदै आएकी छिन् ।

उनी उमेर समूहको सफल कप्तान हुन् । २१ वर्षे अन्जना त्रिभुवन आर्मी फुटबल क्लबबाट व्यवसायिक फुटबल खेल्दै आएकी छन् ।