संस्कृति मन्त्री सुदन किरातीविरुद्ध काठमाडाैंमा विरोध प्रदर्शन

काठमाडौं । पशुपति क्षेत्र विकास कोषमा गैरधार्मिक व्यक्तिलाई नियुक्ति गरेको भन्दै पर्यटनमन्त्री सुदन किरातीविरुद्ध गौशालामा विरोध प्रदर्शन गरिएको छ।

नेपाल सनातन धर्म संस्कृति संगठनहरूले मन्त्री  किरातीविरुद्ध विरोध प्रदर्शन गरेका हुन्।

सरकारले माओवादी समर्थित पत्रकार लक्ष्मी पुनलाई पशुपति विकास कोषको कार्यकारी निर्देशकमा नियुक्त गरेको थियो। त्यससँगै विभिन्न समयमा नियुक्त भएका तीन सय बढी सल्लाहकार खारेज गरिदिएको थियो।

त्यसकै विरोधमा हिन्दूवादी संगठनहरूले विरोध प्रदर्शन गरेको हो। उनीहरूले मन्त्री किरातीको राजीनामा माग गरेका छन्। मन्त्री किरातीले क्रिस्टियनहरूको कार्यक्रममा दिएको अभिव्यक्तिको समेत उनीहरूले विरोध गरेका थिए। उनले क्रिश्चियनलाई मान्दिनँ भन्नु संविधानलाई मान्दिनँ भन्नुसरह रहेको बताएका थिए।