सुनको मूल्यले बनायो नयाँ रेकर्ड, कतिमा हुँदैछ कारोबार ?

काठमाडौँ । नेपाली बजारमा आज सुनको मूल्यले नयाँ रेकर्ड कायम गरेको छ । सुन आज तोलामा एकै दिन १३ सय रुपैयाँले बढेको हो ।

आज छापावाला सुनको मूल्य एक लाख २२ हजार रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ । त्यस्तै महासंघको अनुसार आज तेजावी सुनको मूल्य एक लाख २१ हजार ४ सय रुपैयाँमा कारोबार भइरहेको छ ।

त्यस्तै चाँदी आज प्रतितोला एक हजार ४ सय ९० रुपैयाँमा कारोबार भइरहेको हो ।