राणा मलेसियामा प्रोफेसनल डक्टर अवार्डबाट सम्मानित

काठमाडौं । नेपाल उद्योग वाणिज्य महासघंकी अध्यक्ष भवानी राणा मलेसियामा प्रोफेसनल डक्टर अवार्डबाट सम्मानित भएकी छिन ।
युरोपियन इन्टरनेशनल युनिभर्सिटीद्धारा ग्लोबल लिडरसिप इन बिजनेश म्यानेजमेन्टमा राणालाई प्रोफेसनल डक्टर अवार्ड प्रदान गरिएको हो ।
सामाजिक र आर्थिक क्षेत्रमा योगदान पुर्याएको भन्दै राणालाई सो अवार्ड दिइएको हो । उनलाई यूनिभर्सिटीका ग्लोबल प्रोमोटर अजय देसालले मलेसियामा आयोजित कार्यक्रममा अवार्ड प्रदान गरेका हुन । युरोपियन इन्टरनेशनल युनिभर्सिटी फ्रान्सको हो ।
पर्यटन व्यवसायसँग सम्बद्ध राणाले बाँकेमा स्नेहा ग्रुप प्रालिको व्यवस्थापन निर्देशकको जिम्मेवारी समेत सम्हाल्दै आएकी छिन्। साथै उनी स्नेहा कल्चरल इन्टरटेनमेन्ट प्रालिकी निर्देशक, स्नेहा बिएन्डएस कोलाब्रेसन प्रालिकी व्यवस्थापन निर्देशक, सार्क चेम्बर क्राफ्ट भिलेजकी प्रवद्र्धक, पद्य क्रिएशन प्रालिकी निर्देशक, स्नेहा ग्रुपकी व्यवस्थापन निर्देशक,फर्चुन ग्रुपकी अध्यक्ष, नेशनल लाइफ इन्सुरेन्सको निर्देशक र बागेश्वरी विकास बैंककी प्रवद्र्धक हुन ।