गायिका ज्योति मगरमाथि जुम्ला महोत्सवमा ढुंगा प्रहार

काठमाडौं । गायिका ज्योति मगरमाथी जुम्ला महोत्सवमा ढुंगा प्रहार भएको छ ।

शनिबार मेलामा प्रस्तुती दिने क्रममा स्टेजमा नै ढुंगा प्रहार भएको जनाइएको छ ।

राष्ट्रिय लोक तथा दोहोरी गीत प्रतिष्ठान जुम्लाले आयोजना गरेको महोत्सवमा ज्योतिको प्रस्तुति सुरु भएको केही समयमा नै ढुंगा प्रहार भएको बताइएको छ ।

मदिरा सेवन गरेका व्यक्तिले ढुङ्गा र माटो टिपेर स्टेजमा प्रहार गरेको पाइएको छ । त्यहाँ उनलाई अपशब्द समेत बोलिएको थियो ।

यस्तो गतिविधि गर्ने युवकलाई प्रहरीले नियन्त्रणमा लिएर जिल्ला प्रहरी कार्यालय जुम्लामा राखिएको छ।