ईक्यानले पायो यात्रा प्लस र एक्जिटो इभेन्टको ‘बेस्ट एजुकेसनल कन्सल्टेन्सी एसोसिएसन अवार्ड’

काठमाडौं । शैक्षिक परामर्श व्यवसायीहरु आबद्ध संस्था नेपाल शैक्षिक परामर्श संघ (ईक्यान)ले ‘बेस्ट एजुकेसनल कन्सल्टेन्सी एसोसिएसन अवार्ड’ प्राप्त गरेको छ ।

इक्यानलाई यात्रा प्लस र एक्जिटो इभेन्टले आइतबार काठमाडौंमा आयोजित एक कार्यक्रमबीच उक्त अवार्ड प्रदान गरेको हो । ईक्यानका अध्यक्ष शेषराज भट्टराईले अवार्ड ग्रहण गरेका छन् ।

कार्यक्रमका प्रमुख अतिथि प्रतिनिधि सभाकी उपसभामुख इन्दिरा रानामगर, विशेष अतिथि रमेश कुमार सिलवाललगायत अतिथिहरुले भट्टराईलगायत सम्मानित व्यक्तिहरुलाई अवार्ड प्रदान गरेका हुन् ।

एक्जिटो एक्सेलेन्स अवार्ड २०२४ अन्तर्गत विभिन्न विधामा अवार्ड प्रदान गर्ने क्रममा ईक्यान र ईक्यान अध्यक्ष भट्टराईलाई उक्त अवार्ड प्रदान गरिएको हो । अवार्ड प्रदान गर्ने संस्थाप्रति आभार व्यक्त गर्दै अध्यक्ष भट्टराईले अवार्डले थप जिम्मेवारीबोध गराएको बताए ।

सामाजिक, व्यावसायिक तथा अन्य विभिन्न क्षेत्रमा उत्कृष्ट योगदान पुर्याउने व्यक्ति तथा संस्थाहरुलाई उक्त अवसरमा अवार्ड प्रदान गरिएको यात्रा प्लसका सीईओ अनुजा आचार्यले जानकारी दिइन् ।