कान्तिपुरका अध्यक्ष सिरोहियालाई हेलिकोप्टरबाट काठमाडौं ल्याइयो

काठमाडौं । नागरिकता कसुरमा विगत सात दिनदेखि जिल्ला प्रहरी कार्यालय धनुषाको हिरासतमा रहेका कान्तिपुर मिडिया ग्रुपका अध्यक्ष कैलाश सिरोहियालाई उपचारका लागि हेलिकोप्टरमार्फत काठमाडौं ल्याइएको छ ।

गत शुक्रबार राति उच्च रक्तचाप र मुटुको चालमा गडबडी देखिएपछि उलाई जनकपुरस्थित काव्या अस्पतालमा भर्ना गरिएको थियो । उनको उपचारमा संलग्न चिकित्सकले सुविधासम्पन्न अस्पतालमा उपचार गर्न सिफारिस गरेपछि सिरोहियालाई काठमाडौं ल्याइएको बताइएको छ ।