प्रभु बैंकका ग्राहकले कुश्माको जिपलाइन र बेशीसहरको गेट वे हिमालय रिसोर्टमा छुट पाउने

काठमाडौं । पर्वतको कुश्मामा अवस्थित हार्नेस जिपलाइन र लमजुङ जिल्लाको सदरमुकाम बेशीसहरमा अवस्थित गेट वे हिमालय रिसोर्टले आफ्ना सेवामा प्रभु बैंकका ग्राहक तथा कर्मचारीहरुका लागि विशेष छुट दिने भएका छन् ।

हार्नेस जिपलाइन प्रालि र गेट वे हिमालय रिसोर्टसँग प्रभु बैंक लिमिटेडले आफ्ना ग्राहक तथा कर्मचारीलाई छुट दिने सम्बन्धमा सम्झौता गरेको हो ।

एक समारोहबीच हार्नेस जिपलाइनका प्रबन्ध निर्देशक सुनिल थापा, गेट वे हिमालय रिसोर्ट प्रालिका तर्फबाट सन्चालन प्रबन्धक नकुल गिरी र प्रभु बैंक लिमिटेडका तर्फबाट, बैंकका प्रमुख प्रदेश अधिकृत–गण्डकी प्रदेश राजु राना मगरले समझदारीपत्रमा संयुक्त रुपमा हस्ताक्षर गरेका छन् ।

सम्झौता अनुसार प्रभु बैंकका ग्राहक तथा कर्मचारीहरुले बैंकको डेबिडरक्रेडिट कार्ड तथा बैंकको अन्य कुनै विधुतीय माध्यमद्वारा बिल भुक्तानी गर्दा हार्नेस जिपलाइनमा उपलब्ध जिपलाइन, जाइन्ट स्विङ, कालिगण्डकीमा राफ्टिङ लगायतका सेवाहरुमा १० प्रतिशत छुट प्राप्त गर्न सक्नेछन् ।

यस्तै बेशीसहरको गेट वे हिमालय रिसोर्टमा उपलब्ध आवास सम्बन्धी सुविधामा २० प्रतिशत र खाना र मनोरञ्जन लगायतका सेवाहरुमा १० प्रतिशत छुट प्राप्त गर्न सक्ने बताइएको छ ।