‘गिरीबन्धु टि–स्टेट राज्यको होइन, मेरो निजी सम्पत्तिमाथि अफवाह फैलाइयो’ (भिडिओ)

दीपक मलहोत्रा, विष्णुबहादुर राईलगायत व्यक्तिहरूसँग जग्गा विषयमा कारोबार भएको उनले खुलासा

झापा । झापाको बिर्तामोडमा रहेको गिरीबन्धु टि– स्टेट प्रालिका सञ्चालक छत्र गिरीले गिरीबन्धु टि–स्टेट राज्यको सम्पत्ति नभएको बताएका छन् ।

आज बुधबार झापाको बिर्तामोडमा पत्रकार सम्मेलन गर्दै गिरीबन्धुका सञ्चालक गिरीले आफ्नो वा आफ्ना परिवारको स्वामित्वमा भएको गिरीबन्धु टि–स्टेट राज्यको सम्पत्ति नभएको बताएका हुन् ।

उनले पत्रकारहरूसामु गिरीबन्धु टि–स्टेट आफ्ना बाबु–बाजेले आर्जेको सम्पत्ति भएको र त्यो सम्पत्ति राज्यको नभएको स्पष्ट पारेका छन् । उनले आफ्नो निजी सम्पत्तिमा विभिन्न प्रकारको अफवाह फैलाइएको दाबी समेत गरेका छन् ।

२०२१ सालमा भूमिसम्बन्धी ऐन लागू हुनुअघि नै गिरीबन्धुले चिया खेती विस्तार गरेको गिरीको भनाइ थियो । हदबन्दी छुटमा ५०० विघा जग्गा राख्ने अनुमति पाएकोमा अहिले गिरीबन्धुको नाममा ३९० विघा जग्गा रहेको उनको भनाइ छ ।

सर्वोच्च अदालतको हालै गरेको फैसलालाई पालना गर्दै निकास खोज्ने काम भइरहेको उनले बताए । एकै पटक धेरै जग्गा पाउन गाह्रो हुने भएकाले विभिन्न व्यक्तिहरूसँगको सहकार्यमा जग्गाको कारोबार सुरूरु गरेको गिरीले स्वीकार गरे ।

दीपक मलहोत्रा, विष्णुबहादुर राईलगायत व्यक्तिहरूसँग जग्गा विषयमा कारोबार भएको उनले खुलासा गरेका छन् ।

हेर्नुहोस् भिडिओ–

कस्तो छ बेचिएको भनिएको गिरीबन्धु टि–स्टेटको जग्गाको अवस्था ?

गिरीबन्धु टी स्टेटको जग्गा सट्टापट्टा गर्न दिने सरकारको निर्णय सर्वोच्चद्वारा बदर

‘गिरीबन्धु टी स्टेट’ जग्गा विवादः निर्णय कार्यान्वयन नगर्न अन्तरिम आदेश

सर्वोच्चले सार्वजनिक गर्यो गिरिबन्धु टी स्टेटको जग्गासम्बन्धी फैसलाको पूर्णपाठ

चिया बगानको जग्गा प्रकरणः राष्ट्रियकरणको माग