प्रभु इन्स्योरेन्स साढे ८३ लाख कित्ता हकप्रद निष्कासन गर्ने

काठमाडौं । प्रभु इन्स्योरेन्सले साढे ८३ लाख कित्ता हकप्रद सेयर निष्कासन गर्ने भएको छ ।

बिमा प्राधिकरणले तोकेको चुक्ता पुँजी पुर्‍याउन ८३ करोड ५० लाख १३ हजार ५ सय ४४ रुपैयाँको प्रतिकित्ता १ सय रुपैयाँका दरले ८३ लाख ५० हजार १ सय ३५.४४ कित्ता हकप्रद सेयर निष्काशन गर्न लागेको हो ।

हकप्रद निष्काशनको बिक्री प्रबन्धक एनआईसी एशिया क्यापिटल रहेको छ । क्यापिटल र इन्स्योरेन्सबीच निष्काशन तथा बिक्री प्रबन्धक नियुक्ति सम्बन्धि दुई पक्षीय सम्झौता सम्पन्न भएको छ ।

सम्झौतापत्रमा प्रभु इन्स्योरेन्सका प्रमुख कार्यकारी अधिकृत सञ्चित बज्राचार्य र निष्काशन तथा बिक्री प्रबन्धकको तर्फबाट प्रमुख कार्यकारी अधिकृत रामेन्द्र रायमाझीले हस्ताक्षर गरे । प्रभुले हाल ६० भन्दा बढी शाखा तथा उप–शाखा कार्यालयबाट निर्जीवन बीमा व्यवसाय गर्दै आइरहेको छ ।