प्राधिकरणले जोड्यो एउटा स्टिल र दुई सिमेन्ट कम्पनीमा बिजुली, बाँकीको आजै जोड्ने तयारी

काठमाडौं । नेपाल विद्युत प्राधिकरणले एउटा स्टिल र दुई सिमेन्ट कम्पनीमा बिजुली जोडेको छ ।

प्राधिकरणले लामो बिबादपछि आज सँझ हुलास स्टिल, घोराही सिमेन्ट र अर्घाखाँचीमा काटिएको बिजुलीको लाइन जोडिदिएको छ ।

प्राधिकरणले बाँकी बक्यौता नतिरेको भन्दै घोराही सिमेन्ट, रिलायन्स स्पेनिङ मिल्स, अर्घाखाँची, हुलास स्टील, जगदम्बा सिन्थेटिक र जगदम्बा स्टील लाइन काटिदिएको थियो । आजै सबै उद्योगको लाइन जोडिने तयारी रहेको प्राधिकरण स्रोतको दाबी छ ।