सिन्धुपाल्चोकबाट एक व्यक्ति बेपत्ता, खोजी गरिदिन आग्रह

सिन्धुपाल्चोक । सिन्धुपाल्चोक जिल्लाबाट एक व्यक्ति व्यपत्ता भएका छन् ।

सिन्धुपाल्चोक जिल्ला चौतारा साँगाचोकगढी नगरपालिका–१३, गोसाई गाउँका ५० वर्षीय सेतु पुरी असोज १ गतेबाट बेपत्ता भएका हुन् ।

घरबाट खेतमा जान्छु भन्दै हिँडेका पुरी परिवारको सम्पर्कमा नआएपछि परिवारले खोजि गरिदिन भन्दै सिन्धुपाल्चोक जिल्ला प्रहरी परिसर चौतारा प्रहरी वृतमा निवेदन दिए पनि अहिलेसम्म पत्ता नलागेको परिवारका सदस्यहरुले जनाएका छन् ।

जिल्ला प्रहरी कार्यालय सिन्धुपाल्चोका अनुसार सोहि दिन बिहान ८ः५८ मा दोलालघाटको इन्द्रावती नदी पुलमा काठमाडौँतर्फ हिँडिरहेको अवस्थामा सीसी टीभी फुटेजमा पुरीलाई देखिएको जनाएको छ ।

पुरीको साथमा भएको मोबाइल अफ भएकाले अहिलेसम्म पुरीको पछिल्लो अवस्थाका बारेमा पत्ता लगाउन समस्या भएपनि जिल्ला प्रहरी कार्यालयले पुरीको मोबाइलको लोकेशन ट्रयाक गरि खोजीकार्य जारी गरिरहेको जनाएको छ ।

वेपत्ता पुरीलाई कसैले फेला पारेमा नजिकैको प्रहरी कार्यालय वा मोवाईल नम्बर ९८६०१७१३०३, ९७६७६५३७८३ मा आफन्तलाई खबर गर्न प्रहरीले अनुरोध समेत गरेको छ ।