मालवाहक ट्रक खस्दा १ जनाको मृत्यु

अन्जनराज न्यौपाने तनहुँ, १ असार – जिल्ला स्थित आँबुखैरेनीगाँउपालिका-२ ऐना पहरा भन्ने स्थानमा सोमबार विहान ७:२५ वजेको समयमा पृथ्वी राजमार्गबाट करिव २५ मिटर तल मालवाहक ट्रक खस्दा १ जनाको मृत्यु भएको छ ।सिमेन्ट बोकेको ट्रक अचानक अनियन्त्रित भै खोल्सामा खस्न जादा ना६ प६६५ नम्बरको ट्रकका चालक विष्षु परियारको घटना स्थलमै मृत्यु भएको जिल्ला ट्राफिक प्रहरी कार्यालय तनहुँका प्रमुख रेशमबहादुर रानाभाटले जानकारी दिए। ट्रक चालक परियार सल्यान जिल्लाबासी रहेको उनले बताए । मुग्लिनबाट आँबुखैरेनी तर्फ आउदै गर्दा अचानक ट्रक अनियन्त्रित हुन जाँदा परियारको मृत्यु भएको ट्राफिक प्रमुख रानाभाटले वताए।सोहीट्रकका सहचालक सुर्यबहादुर बुढाथोकीको अवस्था सामान्य रहेको वताईएको छ । यसैगरी जिल्ला स्थित ब्यास-५ मानहुकोट भन्ने स्थानमा सोमबार विहान ८: बजेको समयमा दमौलीबाट जाँदै गरेको ना.अ.प. क १३०७ नम्बरको गिट्टी बोकेको ट्याक्टर आफै अनियन्त्रित भै सडक देखि १५ मिटर तल खस्दा सोही ट्याक्टरमा सवार १३ जना मध्ये ५ जनाको अवस्था गम्भीर रहेको र बाँकी ६ जना सामान्य घाईते भएका छन् । गम्भीर घाइतेहरुको पोखरा स्थित मेट्रो सिटी अस्पतालमा उपचार भैरहेको जिल्ला ट्राफिक प्रहरी कार्यालय तनहुँले जनाएको छ।