सूर्यज्योति लाइफले गर्यो इकर्जा तथा डिजिटल कार्डको सुरुवात

काठमाडौं । सूर्यज्योति लाइफ इन्स्योरेन्सले इकर्जा तथा डिजिटल कार्डको सुरुवात गरेको छ ।

कम्पनीका प्रमुख कार्यकारी अधिकृत प्रकाश बिक्रम खत्रीले सूर्यज्योति केयर्स डिजिटल कार्ड र इकर्जा सेवाको सुरुवात गरेको बताए । खत्रीले दाबी भुक्तानीलाई पहिलो प्राथमिकतामा राखेको समेत जानकारी गराए ।

उनले ग्राहकको हित र सेवाका लागि सधै समर्पित भएर अगाडि बढेका बताए । कम्पनीले स्थापना कालदेखि नै विभिन्न नवीनतम प्रविधिहरुको प्रयोग गरि आफ्ना ग्राहकहरुलाई सेवा दिँदै आइरहेको बताए ।

कम्पनीद्वारा बीमितहरुलाई अझ थप सरल तथा सहज किसिमले सेवा दिने हेतुले बीमालेख बापत प्राप्त हुने कर्जा सम्बन्धि नयाँ प्रविधिमैत्री अनलाइन मार्फत लोन लिनसकिने इकर्जा प्रस्तुत गरेकोछ ।

जीवन बीमा कम्पनीहरुबाट जारी हुने बीमालेखको शर्त तथा सुविधा अनुसार बीमा जारी मितिबाट ३ वर्ष पुरा भई ३ वर्षको बीमाशुल्क प्राप्त भए भए पश्चात बीमालेख अन्तर्गत कर्जा रकम दिइने प्रावधान रहेको छ ।