अमेरिकाको केन्टकीस्थित चर्चमा गोली चल्यो, दुई महिलाको मृत्यु

काठमाडौं । अमेरिकाको केन्टकीस्थित लेक्सिङ्टनको एक चर्चमा भएको गोलीकाण्डमा दुई महिलाको मृत्यु भएको छ । त्यस्तै, सो गोलीकाण्डमा दुई पुरुष घाइते भएका सीएनएनले उल्लेख गरेको छ ।

प्रहरीले सन्दिग्ध आक्रमणकारीलाई पनि गोली हानेको बताएको छ, जसका कारण उनको घटनास्थलमै मृत्यु भएको छ ।

लेक्सिङ्टनको ब्ल्यू ग्रास विमानस्थलमा एक प्रहरी अधिकारीलाई गोली हानेर आक्रमणकारी भागेका थिए । घटनामा प्रहरी अधिकारी गम्भीर घाइते भएका छन् । यद्यपि, अहिले उनको अवस्था स्थिर रहेको बताइएको छ । विमानस्थलमा भएको गोलीकाण्डले यात्रुहरूमा पनि त्रास फैलाएको थियो ।

अधिकारीहरूले घाइते प्रहरी अधिकारीले बिहान ११:३० बजे ब्ल्यू ग्रास विमानस्थल नजिकै चेकजाँचका लागि कार रोकेको बताएका छन् । त्यसपछि कारमा रहेका सन्दिग्ध व्यक्तिले उनलाई गोली हानेका छन् । त्यसपछि सन्दिग्ध त्यहाँबाट भागेको बताइएको छ ।

उनले विमानस्थलबाट करिब १६ किलोमिटर टाढा रहेको कार लुटेका थिए । त्यहाँबाट उनी लेक्सिङ्टनको रिचमन्ड रोड ब्याप्टिस्ट चर्चमा भागेर मानिसहरूमाथि गोली चलाउन थालेका थिए । चोरी भएको कारको स्थान पत्ता लगाउँदै प्रहरीले चर्च पुगेर आक्रमणकारीलाई मारिदिएको रिपोर्टमा उल्लेख छ ।

Shorts

साउनदेखि सबै सरकारी भुक्तानी अनलाइनबाट हुने

आर्थिक सूचक सकारात्मक रहेको प्रधानमन्त्री ओलीको दाबी

बन्दीपुर केबलकारले आईपीओ ल्याउँदै

मौद्रिक नीतिले आर्थिक गतिविधि बढाउने सीएनआईको अपेक्षा

सिद्धार्थ बैंकको साढे २ अर्बको ऋणपत्र बिक्री खुला

फेसियल हाउसको नयाँ शाखा अब ईटहरीमा पनि

मानव बेचबिखन तथा ओसार पसार मुद्दामा फरार रहेका प्रतिवादी १६ वर्षपछि पक्राउ

उपदान तथा पेन्सन कोषबाट ६० करोड लगानी गर्दै राष्ट्र बैंक

चेक बाउन्समा कडा नियम

रसुवाको बाढीमा बेपत्ता भएका १८ जनाको पहिचान खुल्यो