बागलुङको तालाखोलामा जीप दुर्घटना, १६ जना घाइते

पोखरा । बागलुङमा गएराति बोलेरो पिकअप जीप दुर्घटना हुँदा १६ जना घाइते भएका छन् ।

घाइतेमध्ये एक जनाको अवस्था गम्भीर रहेको प्रहरीले जनाएको छ ।

ईलाका प्रहरी कार्यालय गलकोटका अनुसार गम्भीर घाइते गल्कोट नगरपालिका–६ भुजुङका १७ वर्षीय प्रतिक श्रीसलाई थप उपचारका लागि पोखरा ल्याइएको छ । उनको पोखरास्थित मणिपाल शिक्षण अस्पतालमा उपचार भइरहेको छ ।

दुर्घटनामा घाइते भएका अन्य १५ जनामध्ये चालकसहित सात जनाको गल्कोट नगर अस्पतालमा उपचार भइरहेको छ भने आठ जना उपचारपछि घर फर्किएका छन् ।

गएराति करिब ११ बजे ताराखोला गाउँपालिका–३ पिरेचामा ग१ज ७१८९ नम्बरको बोलेरो पिकअप जीप दुर्घटना भएको प्रहरीले जनाएको छ । जीप ताराखोलाबाट गल्कोट हटियातर्फ जाँदै थियो । क्षमताभन्दा बढी यात्रु बोकेको र चालकले नियन्त्रण गुमाउँदा जीप मोटरबाटोबाट करिब ३० मिटर तल खसेको अनुमान गरिएको छ ।

प्रहरीले घटनाको थप अनुसन्धान गरिरहेको छ ।

Shorts

साउनदेखि सबै सरकारी भुक्तानी अनलाइनबाट हुने

आर्थिक सूचक सकारात्मक रहेको प्रधानमन्त्री ओलीको दाबी

बन्दीपुर केबलकारले आईपीओ ल्याउँदै

मौद्रिक नीतिले आर्थिक गतिविधि बढाउने सीएनआईको अपेक्षा

सिद्धार्थ बैंकको साढे २ अर्बको ऋणपत्र बिक्री खुला

फेसियल हाउसको नयाँ शाखा अब ईटहरीमा पनि

मानव बेचबिखन तथा ओसार पसार मुद्दामा फरार रहेका प्रतिवादी १६ वर्षपछि पक्राउ

उपदान तथा पेन्सन कोषबाट ६० करोड लगानी गर्दै राष्ट्र बैंक

चेक बाउन्समा कडा नियम

रसुवाको बाढीमा बेपत्ता भएका १८ जनाको पहिचान खुल्यो