आइतबार, कात्तिक ९, २०८२
कर्पोरट खबर
5:31 pm, आइतबार, भदौ १, २०८२
काठमाडौँ । आन्द्रे ओनानाको भविष्य अनिश्चित भइरहेका बेला म्यानचेस्टर युनाइटेडले पूर्व गोलकिपर डेभिड डी गालाई सनसनीपूर्ण पुनरागमनमा फिर्ता ल्याउने सम्भावना खुलेको छ ।
द सनका अनुसार, फियोरेन्टिनाका लागि प्रि–सिजनमैत्री खेलमा ओल्ड ट्राफोर्डमा प्रभावित प्रदर्शन गरेपछि युनाइटेडले डी गासँग पुनर्मिलन गर्ने विकल्प हेरेको हो ।
रिपोर्टअनुसार उनी कम रकममै उपलब्ध हुन सक्ने भएकाले म्यानचेस्टर युनाइटेडले यो विकल्प बारे विचार गरिरहेको बताइएको छ । डी गाले युनाइटेडका लागि ५४५ खेल खेलेपछि २०२३ मा क्लब छोडेका थिए ।
एक वर्ष फ्री एजेन्ट बसेपछि उनले फियोरेन्टिनामा प्रवेश पाए र गत सिजन ४२ खेल खेले । सामाजिक सञ्जालमार्फत उनले ओल्ड ट्राफोर्डमा फर्कन पाउनु आफ्नो र परिवारको लागि ’जादुई क्षण’ भएको प्रतिक्रिया दिएका छन् ।
हाल ओनाना आगामी सिजनको उद्घाटन खेलमा आर्सनलविरुद्ध खेल्ने पक्का छ । तर दीर्घकालीन रुपमा रेड डेभिल्सको पहिलो रोजाइ गोलकिपर को हुने भन्ने प्रश्न अझै अनुत्तरित रहेको छ ।
FACEBOOK COMMENTS