अमेरिकाले भारतमा लगाएको २५ प्रतिशत थप कर आजदेखि लागू

काठमाडौँ । अमेरिकाले भारतमा लगाएको २५ प्रतिशत थप कर लागू हुने भएको छ ।

यो कर लागू गरेसंगै अमेरिकाले भारतमा कुल ५० प्रतिशत कर लगाएको हो ।
सूचनामा भनिएको छ, अगस्ट २७, २०२५ मा वा त्यसपछि प्रयोगको लागि आउने वा गोदामबाट बाहिर निकालिने कुनै पनि भारतीय सामान यो बढेको करको दायरामा पर्नेछ ।

भारतमा ५० प्रतिशत कर लगाउनुको कारण ट्रम्पले रुसबाट कच्चा तेल खरिद गरेर युक्रेन विरुद्धको युद्धमा रुसलाई सहयोग गरिरहेको बताउदै आएका छन् । भारतले भने ट्रम्पको यो निर्णयलाई अनुचित र तर्कहीन भएको बताएको छ ।
गत अप्रिलमा अमेरिकी राष्ट्रपति डोनाल्ड ट्रम्पले भारतमा २६ प्रतिशत कर लगाउने घोषणा गरे तर पछि यो निर्णय ९० दिनको लागि स्थगित गरेका थिए ।

त्यसपछि जुलाईमा राष्ट्रपति ट्रम्पले अगस्ट १ देखि भारतीय सामानहरूमा २५ प्रतिशत कर लगाउने घोषणा गरे । त्यसपछि अगस्टमा २५ प्रतिशत कर लगाउने निर्णय पछि, ट्रम्पले थप २५ प्रतिशत कर लगाउने घोषणा गरे र कुल कर दर ५० प्रतिशत भयो ।

योसँगै आज देखि अमेरिका जाने भरतीय उत्पादनमा ५० प्रतिशत अतिरिक्त कर लाग्ने भएको छ ।