भारतमा भयावह बन्दै कोरोना, एकदिनमै ५० हजारको हाराहारीमा थपिए संक्रमित

काठमाडौं, साउन ११ – भारतमा दैनिक ५० हजारको हाराहारीमा कोरोना भाइरसका संक्रमितहरु बढ्दै गइरहेका छन् । शनिबार ४८ हजार ४७९ जना संक्रमित थपिएका छन् ।

शुक्रबार ४८ हजार ८९२ तथा बिहीबार ४८ हजार ४४६ जना संक्रमित थपिएका थिए ।

अहिलेसम्म भारतमा कोरोना भाइरस संक्रमित १२ लाख ८५ हजार ४९४ जना पुगेका छन् । मृतक ३२ हजार ९६ पुगेका छन् । शनिबार ६९२ जनाको ज्यान गएको छ ।

निको हुनेको संख्या ८ लाख ८६ हजार २३५ पुगेको छ । शनिबार ३६ हजार १२७ जनालाई निको भएको छ ।