बुधबार, मंसिर १७, २०८२
कर्पोरट खबर
9:07 pm, बुधबार, मंसिर १७, २०८२
काठमाडौं । जिल्ला प्रशासन कार्यालय ललितपुरले कान्ती राजमार्ग सडक योजनाअन्तर्गत एकान्तकुना क्षेत्रमा विस्तार तथा कटिङ भइरहेकाले सो क्षेत्रमा ६० दिनसम्म सवारी आवागमन बन्द गरिने जनाएको छ ।
जिल्ला प्रशासनले जारी गरेको सूचनाअनुसार मङ्सिर २० गतेदेखि आगामी ६० दिनसम्म दैनिक बिहान ११ देखि बेलुका ५ बजेसम्म उक्त सडक खण्ड बन्द हुने भएको हो ।
सो योजनाअन्तर्गत आवश्यक प्राविधिक कार्य छिटो तथा प्रभावकारी रूपमा सम्पन्न गर्न बाटो बन्द गरिएको प्रशासनले जनाएको छ । यस अवधिमा कान्ती राजमार्ग हुँदै यात्रा गर्ने सवारीसाधन तथा सर्वसाधारण यात्रुलाई वैकल्पिक मार्ग प्रयोग गर्न आग्रह गरिएको छ ।
FACEBOOK COMMENTS