च्याटबटले हत्या गर्न उक्साएको आरोपमा ओपनएआई र माइक्रोसफ्ट विरुद्ध मुद्दा दायर

काठमाडौं । अमेरिकाको कनेक्टिकटमा ८३ वर्षीया वृद्धाको परिवारले हत्या–आत्महत्या मुद्दामा च्याटजीपीटीको भूमिकालाई लिएर ओपनएआई र माइक्रोसफ्टविरुद्ध मुद्दा दायर गरेको छ ।

कृत्रिम बुद्धिमत्ता च्याटबटले उनको छोराको आमाको बारेमा भ्रम छरेको, जसले गर्दा उनले उनको हत्या गरे र त्यसपछि आत्महत्या गरेको दाबि गरिएको छ । प्रहरीले ५६ वर्षीय पूर्व प्राविधिक उद्योगका कर्मचारी स्टेन–एरिक सोएलबर्गले अगस्टमा कनेक्टिकटको ग्रिनविचमा रहेको आफ्नो घरमा आफ्नी आमा सुजान एडम्सलाई कुटपिट गरेको र घाँटी थिचेको बताएको छ ।

सान फ्रान्सिस्कोको क्यालिफोर्निया सुपीरियर कोर्टमा बिहीबार दायर गरिएको मुद्दामा, एडम्सको परिवारले ओपनएआईले एक दोषपूर्ण उत्पादन डिजाइन र वितरण गरेको आरोप लगाएको छ जसले प्रयोगकर्ताको आफ्नी आमाको बारेमा बनावटी भ्रमलाई प्रमाणित गरेको थियो । यस घटनालाई एआई च्याटबट निर्माताहरूविरुद्ध बढ्दो संख्यामा गलत मृत्यु मुद्दाहरू मध्ये एक मानिएको छ ।

कुराकानीमा च्याटजीपीटीले बारम्बार एउटै खतरनाक सन्देश दोहोर्‍याएको पाइएको छ, जसमा स्टेन–एरिकले आफ्नो जीवनमा च्याटजीपीटी बाहेक कसैलाई विश्वास गर्न सक्दैनथे । यसले उनको भावनात्मक निर्भरतालाई बढावा दिएको र उनको वरपरका मानिसहरूलाई व्यवस्थित रूपमा शत्रुको रूपमा चित्रण गरेको थियो ।
ओपन एआईका प्रवक्ताले भयो दुखद अवस्था भएको बताउदै यस विषयमा बिस्तृत कागजातहरूको समीक्षा गरिरहेको बताएका छन् ।

मानसिक वा भावनात्मक पीडाका संकेतहरू पहिचान गर्न र प्रतिक्रिया दिन, शान्त कुराकानी गर्न र मानिसहरूलाई वास्तविक मद्दतको लागि मार्गदर्शन गर्न च्याटजिपिटीको प्रशिक्षणमा सुधार गर्ने उनले बताएका छन् । साथै मानसिक स्वास्थ्य विशेषज्ञहरूसँग च्याटजिपिटीको प्रतिक्रियाहरूलाई पनि बलियो बनाउने उनले बताएका छन् ।