विश्वभर पछिल्लो २४ घण्टामा २ लाख ७० हजारभन्दा बढी कोरोना संक्रमित थपिए

काठमाडौं, साउन ३० – पछिल्लो २४ घण्टामा विश्वभर २ लाख ७१ हजार २६४ कोरोना भाइरसका नयाँ संक्रमित भेटिएका छन्। र्ल्डोमिटरको तथ्याङ्कअनुसार भारतमा सर्वाधिक ६४ हजार १४२ जना नयाँ संक्रमित थपिएका छन्। त्यस्तै ब्राजिलमा ५९ हजार १४७ र अमेरिकामा ५४ हजार १४१ जनामा नयाँ संक्रमिण थपिएका छन्।

त्यस्तै पछिल्ल्लो २४ घण्टामा विश्वभर ६ हजार ३०२ जनाको मृत्यु भएको छ। ब्राजिलमा सर्वाधिक १ हजार ३०१, अमेरिकामा १ हजार २२९ र भारतमा १ हजार ६ जनाले कोरोना कै कारण ज्यान गुमाएका छन्।

बिहीबार स्वास्थ्य तथा जनसंख्या मन्त्रालयले दिएको जानकारीअनुसार नेपालमा हालसम्म कोरोनाका कारण ९५ जनाको मृत्यु भएको छ। नेपालमा हालसम्म २४ हजार ९५७ जनामा संक्रमण पुष्टि भएको छ भने १६ हजार ८ सय ३७ जना निको भएका छन्।

बिहीबार दिउँसो स्वास्थ्य मन्त्रालयले पछिल्लो २४ घण्टामा ५२५ नयाँ संक्रमित थपिएको र ४ जनाको मृत्यु भएको जानकारी दिएको थियो।