आइतबार, माघ ११, २०८२
कर्पोरट खबर
9:01 am, आइतबार, माघ ११, २०८२
काठमाडौं । माछापुच्छ्रे बैंकले चालु आर्थिक वर्षको ६ महिनासम्ममा १ अर्ब १ करोड ११ लाख रुपैयाँ नाफा आर्जन गरेको छ ।
यो नाफा गत आवको सोही अवधिको तुलनामा २५.२५ प्रतिशतले धेरै हो । गत आवको सोही अवधिमा बैंकको नाफा ८० करोड ७३ रुपैयाँ रहेको थियो । यो अवधिमा बैंकको खुद ब्याज आम्दानी बढेको छ भने सञ्चालन नाफा घटेको छ ।
बैंकको खुद ब्याज आम्दानी ४.१६ प्रतिशतले बढेर २ अर्ब ९४ करोड १० लाख रुपैयाँ रहेको छ । यस्तै सञ्चालन नाफा १०.२२ प्रतिशतले घटेर १ अर्ब ४५ करोड ६८ लाख ९१ हजार रुपैयाँ पुगेको छ ।
यो अवधिमा बैंकको वितरणयोग्य नाफा ४३ करोड ६३ लाख रुपैयाँ रहेको छ । वितरणयोग्य प्रतिसेयर आम्दानी ७ रुपैयाँ २२ पैसा छ । बैंकको प्रतिसेयर आम्दानी १६ रुपैयाँ ७३ पैसा रहेको छ भने प्रतिसेयर नेटवर्थ १६१ रुपैयाँ ६० पैसा छ ।
१२ अर्ब ८ करोड रुपैयाँ चुक्ता पूँजी रहेको यस बैंकको जगेडा कोषमा ६ अर्ब ९८ करोड रुपैयाँ छ । पुस मसान्तसम्म बैंकले २ खर्ब ४ अर्ब ४ करोड ७१ लाख रुपैयाँ निक्षेप संकलन गरेको बैंकले १ खर्ब ५४ अर्ब ९५ लाख रुपैयाँ कर्जा प्रवाह गरेको छ ।
FACEBOOK COMMENTS