धमाधम पुनःनिर्माण गर्दै काठमाडौँ महानगरपालिका

काठमाण्डौँ — काठमाडौँ महानगरपालिकाले पुनःनिर्माणको कामलाई तीव्रता दिन थालेको छ ।

भूकम्प गएको लामो समय बितिसक्दा पनि कामपाले केही काम नगरेको जनगुनासो आइरहेकै समयमा कामपाले निर्माणको कामलाई चासोका साथ लिएको छ ।

रानीपोखरी र बागदरवारको पुनःनिर्माणका लागि कामपामा क्रमशः दुई र पाँच आशयपत्र पेश भएका छन् ।

त्यसैगरी स्मार्ट पार्किङ निर्माणका लागि ६ कम्पनीले निर्माण गर्न आशयपत्र पेश गरेका छन् ।

यस्तै हाल कामपाको कार्यालय रहँदै आएको बागदरबार(हरिभवन) भत्काउनका लागि पनि पाँच निवेदन परेको कामपाले जनाएको छ ।

भवन छिट्टै भत्काउन खरिद प्रक्रियामा लगिने कामपाका सहप्रवक्ता नवराज ढकाल बताउछन् ।

— कारोबार