आइतबार, फाल्गुन १७, २०८२
कर्पोरट खबर
4:24 pm, आइतबार, फाल्गुन १७, २०८२
काठमाडौं । परराष्ट्र मन्त्रालयले मध्यपूर्वका विभिन्न देशमा हाल १७ लाख २९ हजार २८८ नेपाली नागरिक वैधानिक रूपमा कार्यरत तथा बसोबास गरिरहेको जानकारी गराएको छ ।
मन्त्रालयद्वारा आइतबार आयोजित पत्रकार सम्मेलनमा मध्य एसिया, पश्चिम एसिया र अफ्रिका महाशाखा प्रमुख एवं सहसचिव रामकाजी खड्काले सबैभन्दा धेरै संयुक्त अरब इमिरेट्स (युएई) मा करिब सात लाख नेपाली रहेको जानकारी दिए ।
त्यसैगरी, साउदी अरबमा ३ लाख ८४ हजार ८६५, कतारमा ३ लाख ५७ हजार ९१३ र कुवेतमा १ लाख ७५ हजार नेपाली छन्। तनावग्रस्त क्षेत्र र त्यसको नजिक रहेका इराकमा ३० हजार, बहराइनमा २८ हजार, ओमानमा २५ हजार, साइप्रसमा १७ हजार, इजरायलमा करिब ६ हजार ५०० र लेबनानमा १ हजार ५०० नेपाली रहेको मन्त्रालयले जनाएको छ ।
इजिप्टमा ५०० र इरानमा १० जना नेपाली रहेकोमा इरानबाट ४ जना फर्किने क्रममा रहेको र ६ जना त्यहीँ रहेको जानकारी दिइएको छ ।
मन्त्रालयले यो तथ्यांक दूतावासहरूबाट प्राप्त वैधानिक नेपालीहरूको मात्र भएको र अवैध रूपमा गएकाहरूको संख्या यसमा समावेश नभएको स्पष्ट पारेको छ ।
खाडी मुलुक जाने कामदारका लागि श्रम स्वीकृति स्थगित
FACEBOOK COMMENTS