नबिल बैंकले यात्रा स्वास्थ्य बीमा सेवा तुरुन्त जारी गर्दै

काठमाण्डौँ — नबिल बैंकले वैदेशिक भ्रमणमा जाने ग्राहकको सुविधालाई मध्यनजर गर्दै ‘वैदेशिक यात्रा स्वास्थ्य बिमा योजना’ तुरुन्त जारी गर्ने भएको छ।

बैंकले आफ्नो काउन्टरबाट भिसा इन्टरन्यासनल प्रिपेड कार्ड बैंक ड्राफ्ट र विदेशी मुद्रा सटही जस्ता सेवाका लागि सम्पूर्ण आकांक्षी ग्राहकलाई वैदेशिक यात्रा (ट्राभल) बिमा योजना सेवा पनि उपलब्ध गराउने बैंकले जनाएको छ।

नबिल बैंकले सर्वप्रथम नेपाली बजारमा यो सेवा ल्याएको हो ।
यो सेवाको लागि नबिल बैंकले प्रभु इन्सुरेन्ससँग साझेदारी गरेको छ ।

विदेश यात्रा गर्ने यात्रीलाई स्वास्थ्य बिमा निकै उपयोगी हुनेछ।