शनिबार, असोज २४, २०८३
कर्पोरट खबर
12:34 pm, शनिबार, असोज २४, २०८३
काठमाडौं। एमालेका उपमहासचिव योगेश भट्टराईले गगन थापा र विश्वप्रकाश शर्मालाई शुभकामना दिएका छन् ।
भट्टराईले नेपाली कांग्रेसका नवनिर्वाचित सभापति गगन थापा र वरिष्ठ उपसभापति विश्वप्रकाश शर्मालाई बधाई तथा शुभकामना दिँदै जनताको आशा, भरोसा र विश्वास नटुटाउन आग्रह गरेका हुन् ।
भट्टराईले सामाजिक सञ्जालमार्फत दुवै नेतालाई शुभकामना दिँदै उनीहरू आशा, भरोसा र विश्वासको जगमा नेतृत्वमा आएको बताएका छन् ।
उनले नयाँ नेतृत्वले जनताको विश्वास कायम राख्ने अपेक्षा पनि व्यक्त गरेका छन् । उनले लोकतन्त्र र संविधानको रक्षा, विकास तथा कार्यान्वयनमा सहकार्य गर्दै स्वस्थ राजनीतिक प्रतिस्पर्धाको बाटोमा अघि बढ्नुपर्ने बताएका छन् ।
भट्टराईले व्यक्ति र स्वार्थ केन्द्रित सत्ता गठबन्धनको अभ्यासबाट मुलुकलाई मुक्त गर्नुपर्नेमा जोड दिँदै सम्मानित र मर्यादित राजनीतिक संस्कृतिको निर्माण गर्नुपर्ने बताएका छन् ।
नेपाली कांग्रेसको १५औँ महाधिवेशन सफलतापूर्वक सम्पन्न भएकोमा समस्त कांग्रेसजनलाई पनि उनले बधाई दिएका छन् ।
